أكذب عليك إن قلت لك شي عادي
واكذب عليك إن قلت عدت ومسموح


لو شفتني ساكت واجامل وهادي
اضحك معك وانا حزين ومجروح

الضحك في وادي وانا يم وادي
لو كان ما حزني على الوجه مفضوح

نمشي سوى لا شك بالدرب غادي
وين الحزن و وين ابو ضحك ومزوح


حلم رسمته كان غاية مرادي
شف وش بقالي منه يا مغري البوح


جرح توسط في حنايا فؤادي
وليت الجروح ضيوف يومين وتروح


وش طالنا من هالقيم والمبادي
بيض نوايانا على غير مصلوح


بعثر ورقنا هالزمان الرمادي


ولا اصعب على الإنسان من غربة الروح